مجبر اخاك.. لا بطل

ربما أكون مخطئا؛لكنى لا استطيع ان امنع نفسى من كراهية التاجات التى تنتشر بسرعة البرق بين المدونات

الا انى وجدت نفسى محاطا بدعوات كريمة للاجابة عن هذا التاج وهو ما اشعرنى بسعادة غامرة لا للتاج وانما لما شعرت به من علو مكانتى عند من مررن لى التاج

البداية كانت من روفى.. وعلى الرغم من انى حاولت التملص منه الا انها اصرت فقررت ان اجيب عنه

ثم مررته لى الاخت الغالية جميلة فعزمت ان اجيب عنه

وبعدها تكرمت تمر حنة بتمريره الى فشرعت اجيب عن اسئلته

وطبعا لما يطلب منى هؤلاء الثلاثة خصيصا شيئا يصبح أمرا واجب النفاذ

ولئلا أطيل اكثر......الى حضراتكم التاج

***************

لو قالولك اختار عصر من عصور مصرعلشان تعيش فيه تختار اى عصر و فى عهد اى حاكم .. واشمعنى؟

اختار فترة الفتح الاسلامى لمصر....لانها انقى فترة عاشها الشعب المصرى وأحس فيها بكرامته كانسان

*****
اول اولويه فى حياتك عيلتك ولا شغلك ولا اصحابك؟

لا تعليق

*****

ايه اكتر حاجه بتحبها فى رمضان؟

جوه المميز جدا

*****

اوصف ليا اجمل فطار ممكن تفطره ؟

افطار مع أصدقائى الخلص ..أعنى المقربين جدا

*****

لو انت حاكم على مجموعه من الافراد هتكون عادل؟؟ طب هتعمل ايه عشان تتأكد انك حاكم عادل؟

أعتقد انى سأجتهد قدر الامكان لاكون عادلا.....ولأتأكد سأحرص على الا يحجبنى حاجب عن شعبى

*****
اللى بيبوظ الحكام .. نفسهم؟ ولا الشعب؟ ولا الحاشيه المقربه؟

نفسه اولا وأخيرا لأنه هو من يختار حاشيته ثم شعبه ثم حاشيته

*****
مين أكتر اعلامي مصري بتحترمه؟

حمدى قنديل كاعلامى فقط

*****
قريت ديوان عمر مصطفى صاحب بلوج تجربه " اسباب وجيهه للفرح" عن دار ملامح و لا لسه ؟؟

لا للأسف

*****
لو اه ايه رايك فيه؟؟

لا تعليق

*****
لو ممكن تشتغل شغلانه تانيه غير اللى انت بتشتغلها او كنت بتشتغلها كنت تتمنى تبقى ايه؟

اعلامى

*****

ايه تانى بلد تتمنى تعيش فيها بعد مصر؟

الامارت العربية المتحدة

*****
اوصف ليا ترتيبات اجمل فرح ممكن تحضره ؟

بالعامية كده

يكون المعازيم هم اللى مرغوب فى وجودهم فقط مش شرط الاقارب وكده

وما يكونش فيه اطفال رخمين ،لكن ممكن يكون موجود كام بنوتة صغنونة كده من اللى بيشرحوا القلب العيان

واهم شىء صديقات العروسة جميلات الفرح يعنى ..لازم يكونا متألقين

واخر شىء ان العريس والعروسة يكونوا فايقين جدا وحاسين باللى بيحصل حواليهم

*****
بتراعي كلام الناس والقيل والقال؟ لو اه او لو لا قول لى ليه؟

يهمنى أن اعرف رأى الآخرين

لكن فى الأخير رأيى هو الاهم اذا ما اتخذت قرارا نهائيا حيال أمر ما

*****
صحيت من النوم ما لقيتش الموبايل ولا الكمبيوتر ولا الكاميرا الديجيتال ولقيتنا رجعنا لعصر الحمام الزاجل والحصنه هتكون سعيد؟

أشد السعادة

*****
السعاده هى؟

التصالح مع النفس واسعاد الآخرين

*****
عندك أمل ؟؟ أسبابك ؟

أكيد عندى أمل....لأن ربنا موجود

*****
لما تحب تهرب من كل شئ بتروح فين؟

لا تعليق

*****
امتى أول مره خدت فيها نفس طويل كده وقلت بينك وبين نفسك يااااه الظاهر انا فعلا كبرت؟

لما أتممت العشرين سنة و الى الآن

*****
لما بتعمل عمل خيرى بيكون ايه هو دافعك الاول؟

رضا الله

*****

بتشرب سجاير؟ لو الاجابه اه ايه شعورك لو شفت ست بتشرب سجاير؟ وليه ؟

لا ولله الحمد......أكثر منظر يثير اشمئزازى ولا أحب أن اراه هو منظر امرأة تدخن ..لأنها بهذا تلغى تماما ما ميز الله به النساء وهو الرقة والبراءة

*****
بتعرف ايدك اليمين من الشمال ازاي؟

اليمين اللى فيها الدبلة

*****

ايه اكتر اله موسيقيه بتحبها ؟

القانون ثم العود

*****
فى رأيك ليه الذوق والنخوه اتعدموا؟

لم يعد هناك رجال بمعنى الكلمة

*****
ايه الحاجه اللى لو حصلتلك تبقى سعيد قوى؟؟؟

علمى علمك

*****
تختار يبقى عندك...ارض زراعيه ولا اجنس عربيات و لا كام عماره و لا فلوس فى البنك؟؟؟؟

أرض

*****
البحر و لا النيل؟؟؟

البحر

*****
مركب و لا طياره؟؟

مركب

*****
مجنون و لا عاقل؟؟

عاقل على ما اظن

*****
تقرأ كتاب و لا تتفرج عليه فيلم؟

للأسف فيلم

*****

بتمرر التاج لمين؟؟

لمن يحب ان يجيب على التاج من أصقائى المضافين عندى

*****************