الأخوة المدونون
لى الشرف أن أزف الى حضراتكم خبر انطلاق حملة
فخور لأنى أتحدث العربية
هذه الحملة التى نريدها جهدا بسيطا للتذكير بفضل اللغة العربية علينا ،وتنويها بأهميتها فى حياتنا، وأيضا بوجوب الحفاظ عليها
ولأن الحملة فى مرحلتها الأولى فيكتفى من السادة المدونين الراغبين فى المشاركة بأمرين اثنين
الأول : وضع الصورة الرمزية للحملة _والموجودة فى اعلى التدوينة_ فى مدوناتهم
والثانى : اقتراح أية أفكار لضمان تطور الحملة واستمراريتها فضلا عن نجاحها
هذا ولكم جزيل الشكر والتقدير
هناك 30 تعليقًا:
أول واحد هشارك ف الحملة ياريس
كل سنة وانت بخير
والحمد لله ان سي السيد بخير أصله مكسل بقاله كتير
ايييييييييييه يا مان
كل ما أشوفك ألاقيك عامل حملة
يلا كل سنة و انت طيب
كل سنة وانت طيب
وحلوة فكرة الحملة .. ان شاء الله معاكم
كل سنة وانت طيب
عيد سعيد
كل سنة وانت طيب ياابو سويلم
وانا طبعا معاكم وان شاء الله هنحقق نتايج حلوة
واول تصحيح هنا للمدون
the last samurai
بيقولك يا مان وهو ممكن يقولك يا راجل !! صح واللا ايه يا رجالة
تحياتي لك يا ابو سويلم
happy feast
full of meat
friends meet
relatives greet
clothes gdeed
money bel3abeet
afrah w zagharit
w tarabatateeeet
كل سنة وحضرتك طيب بمناسبة عيد الاضحى المبارك اعاده الله علينا جميعا باليمن والبركات
وجزاكم الله خيرا على الحملة دى
فعلا متميزة ومهمة جدا
وربنا ينفع بيكم ان شاء الله
تحياتى
شيماء
السلام عليكم
كل سنه وانت طيب وعيد سعيد
فكرة الحمله جميله .
بس الصوره المصممه للحمله مكتوبه بالعربي.
تبقى موجهه لمين ؟
ياريت لغتنا الجميلة فعلا ترجع لحياتنا
حملة موفقة
بعد السلام
كل سنه وانت طيب
وعيدك سعيد
ودعواتك معانا
سلاااااااام
برضه كده
متجيش لخالتك فى العيد
وتقولها كل سنه وانتى طيبه
يلا
خلينى انا اجدع منك
علشان الشعب يعرف
ان الست بتفهم فى الاصول قوى
وكل الشعب يشهد
انى تكرمت
وتعطفت
وتنازلت
وجيت اقول كل سنه وانت طيب يابو سويلم
مش انا قلت
مينفعش رئيس الا فرنسا
حملة تستحق الاهتمام و فكرة تستحق الرعاية
كل سنه وحضرتك طيب
و الصوره انا اخدتها و الأقتراح .. ياريت تنشئ مدونه بكده و يشارك معاك اصحاب المدونات اللى ذكرتها ... و من هنا يبقى فى نشر للفكرة و كمان فى مشاركة .
دا راي مش اكتر
تحياتى
تمر حنة
أول حاجة كل سنة وانت طيب يا بو سويلم ولو انها متأخرة
ان شالله تكون قضيت عيد جميل
أنا متضامنة مع الحملة وحطيت الشعار فعلا
بادرة طيبة منك تجاه لغة القرآن اللى نحن كمصريين تحديدا ظالمينها أوى
بتضايق جدا لما بلاقينا مبنفرقش بين السين والثاء وبين الذال والظاء والزين
معنديش اقتراح محدد بس لو جه على بالى شئ حكتبلك
اعزرنى على التقصير
وسلام عليكم
حملة محتاجينها فعلا
وياريت..تتسع دايرتها
معاكم ياشباب
:)
أنونيمس
كل سنة وانت طيب
ودائما سباق يا صديقى العزيز
سلام
the last samurai
بالعكس دى اول حملة اشارك فيها
انت اللى بتغيب ومش واخد بالك
كل سنة وانت طيب
تحياتى
والسلام
abeer
كل سنة وانت بالف خير وصحة وسلامة
منتظرين افكارك
سلام
sahr
كل عام وانت بخير
واسعد الله ايامك
سلام
the queen
طبعا كلام سموك صحيح
لكن باقول نسامحه المرة دى علشان الاعياد وكده
كل عام وانت بالف خير وصحة
تحياتى يا سمو الملكة
وسلامى
شقاوة شعب
شكرا على الشعر الجميل ده
من اجمل ما كتب شكسبير
كل عام وانت بخير وسعادة
ومنتظرين افكارك للحملة
تحياتى
والسلام
alaa salim
كل عام وانت بخير يا صديقى
الحملة موجهة للمدونين العرب طبعا
وليست للخارج
تحياتى
والسلام
ايوية
اتمنى هذا
وان شاء الله ترجع
تحياتى
والسلام
بتاع العسل
كل عام وانت بخير
ربنا يوفقك
سلام
فرنسا هانم
دايما كده مصغرانى بجمايك وافضالك علينا
لكن والله معذور
بقى لى مدة مش بادخل على النت
وانت بالذات عارفة ان انا ما اقدرش اتاخر على سيادتك وبالذات بعد ما ساركوزى بقى رئيس
ياريت ما تكونيش زعلانة
وكل عام وانت بالف خير وصحة وان شاء الله تكون الصحة زى الفل
تحياتى يا ست الكل
وسلامى
عاليا حليم
شكرا على رايك
ومنتظرين مشاركاتك
والسلام
tamr7na
سعيد ان الفكرة نالت اعجابك
واكيد اقتراحك ده فى محله
زمتشكر جدا على فكرتك
وكل عام وانت بخير
والسلام
ghalia
كل عام وانت بخير وسلامة
ومفسش داعى للاعتذار
كلنا مقصرين اليومين دول
وعلى رايك الواحد اصبح بيشوف اخطاء كتيرة مستفزة
ويارب نقدر نصلح جزء منها
منتظرين افكارك
وعليكم السلام
dr roufy
شخصيا منتظر منك الكثير والكثير فى هذه الحملة
اتفقنا يا دوك
عاوزين نشاط اكتر من الاول
كل عام وانت بالف صحة
والسلام
فكرة جميلة يا أبو سويلم
ان شاء الله هاشارك
انا كمان معاكم فى الحمله
وكمان فى على الفيس بوك جروب بدور فكرته عن حاجه زاى كده برضوا
ان المصيبه مش ان احنا بقينى بنكتب انجليزى
لا
كمان بقى بنكتب العربى بحروف لاتينى
http://www.facebook.com/group.php?gid=6522466098
انا معاكم
بس انت ليه مش حاطط كود الصورة
انا هحطها
معكم ان شاء الله
تحياتي
فكرة جميله
وكنت اتمنى ان اشارك
بس انت عارف الظروف
نسيت...
كل سنة وانت بخير
منتظرين حملاتك
لو اتاحت الظروف مؤكد هكون من المشاركين
fanan fa2eer
اهلا بك يا دوك
ومنتظرين منك مجهود كبير
سلام
weswes
اهلا بك يا فندم فى فريق الحملة
وشكرا على الرابط
وموضوع الحروف اللاتينى هو الاخطر لانه بمثابة بداية النهاية للقضاء على اعربية
تحياتى
والسلام
semsem
اهلا وسهلا بك يا فنانة
فعلا الرابط بتاع الصورة لو كتب هيكون افضل
ان شاء الله ابقى انزله
تحياتى
والسلام
alshared
منتظرين نك الكثير والكثير يا صديقى
سلام
أليس
اهلا بك فى اى وقت وان شاء الله تقدرى تشاركينا فى جميع خطوات الحملة بطرق مختلفة
بس انت شغلى افكارك الجهنمية وانت تعملى احلى شغل
كل عام وانت بالف صحة وخير وهناء وسعادة
تحياتى
والسلام
هو أحنا لسه فينا حد بيعرف يتكلم لغه عربيه صح؟
يارب يكون لسه فى
فكره حلوه
اتمنالها التوفيق
فكرة جميلة وانا أويد الحمله جدا وسأشارك فيها
أنا ضد الحمله
حمله ايه ياعم وبتاع ايه
ياريتنى مولود بتكلم انجليزى
أو حتى أوردو ( لغه الهنود والباكستان )
بدل ما كل ما اسافر فى حته ان شا الله تكون دوله عربيه
ابقى عايز مترجم
أنا مش عارف أضيف صورة
لازم ال html
ياريت حد يبلغني
إرسال تعليق